अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा वैशाख ३० गते हुने स्थानीय तह निर्वाचनको मत गणना स्थलमा सीसी क्यामरा लगाईएको छ ।
जिल्लाका ६ स्थानिय तहका मत गणना स्थलमा सीसी क्यामरा लगाईएको हो ।
मतगणना कार्यलाई पारदर्शी र सुरक्षित राखी कुनै विवाद उत्पन्न भएको पाइएमा विद्युतीय अभिलेखीकरणका लागि समेत उपयोगी हुने भएकाले सीसी क्यामरा लगाईएको छ ।
गत निर्वाचनमा केही पालिकामा मतगणनामा विवाद भएको थियो ।
जिल्लामा निर्वाचनका तयारी अन्तिम चरणमा पुगेको छ ।
कुल १ लाख ७७ हजार २ सय जनसंख्या रहेको जिल्लमा १ लाख ६३ हजार ८ सय १५ मतदाता रहेका छन् । ६ वटा स्थानीय तहमध्ये तीनवटा नगरपालिका र तीनवटा गाउँपालिका रहेका छन् । जिल्लामा ६१ वटा वडाहरू रहेका छन् ।
बैशाख २५ गते, २०७९ मा प्रकाशित
