केशब राज ज्ञवाली
नरपानी, अर्घाखाँची । नेपाली काङ्ग्रेसका केन्द्रिय सदस्य तथा संसदिय दलका सचेतक पुष्पा भुसालले ओलीका पालामा देशको ढुकुटी रित्तिएको आरोप लगाएकी छन् ।
उनले एमाले पार्टी भ्रष्टाचारको नाइके भएको दावी गर्दै अब देशको समृद्धि र प्रगतिको लागि गठबन्धनको नेतृत्व आवस्यक रहेको बताइन् ।
आज सन्धिखर्क -६ का विभिन्न स्थानमा भएको गठबन्धनको संयुक्त कार्यक्रममा उनले यसो भनेकी हुन ।
अबका निर्वाचनबाट स्थानिय सराकार सगैं प्रदेश र केन्द्रको सरकार पनि सबै गठबन्धनको नेतृत्वमा हुने भुसालको दावी थियो ।
ओली सरकारले देशलाइ दुर्घटनामा लैजान खोजेको बेला काङ्ग्रेसले बचाएको भन्दै नेता भुसालले अब नरपानीलाई पर्यटकिय मात्र नभैइ धार्मिक स्थल पनि बनाउने बताइन ।
गठबन्धनको संयुक्त चुनावी कार्यक्रममा सन्धिखर्क नगरपालिका प्रमुख पदका उम्मेद्बार शान्ता भन्डारी , उप प्रमुखका उम्मेद्बार राजेन्द्र भुसाल र वार्ड न का अध्यक्षका उमेदवार कृष्ण बहादुर आचार्यले जनताको भावना र आबस्यकता अनुरुप अगाडि बढ्ने प्रतिबद्दता जनाए ।
बैशाख २६ गते, २०७९ मा प्रकाशित
