अर्घाखाँचीडट्कम संवाददाता
सुपाखोला, अर्घाखाँची (अर्घाखाँचीडट्कम) । अर्घाखाँची जिल्लाको सुपादेउराली नजिक सुपाखोलामा सन्धिखर्कबाट काठमाडौंका लागि छुटेको बस माथि ढुङ्गा खस्दा पाँच जना यात्रु घाइते भएका छन् ।
सुपाखोलामा सन्धिखर्कबाट अपरान्ह काठमाडौंका लागि छुटेको लु २ ख २१४७ नम्बरको बसमा एक्कासी माथि पहिरोबाट ढुङ्गा खस्दा पाँच जना यात्रु घाइते भएका हुन् । घाइतेको अबस्था सामान्य रहेको बताइएको छ ।
साथै बसमा सामान्य क्षति पुगेको छ । भने अहिले सुपाखोलाबाट बस काठमाडौंको लागि अगाडि बढेको छ ।
जेष्ठ ११ गते, २०७९ मा प्रकाशित
