अर्घाखाँचीडट्कम संवाददाता
डिभर्ना, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नं १२ डिभर्नाको ढुनेचौरमा एक युवा मृत फेला परेका छन् ।
डिभर्नाको ढुनेचौरमा २७ बर्षिय टिकाराम कुमाल आफ्नै घरमा शुक्रबार विहान मृत फेला परेका हुन् ।
टिकारामलाई परिवारले आज विहान ८ बजे आफ्नै कोठामा झुन्डिएको अवस्थामा मृत फेला परेको थियो ।
जिल्ला प्रहरी कार्यालयका अनुसार शवलाई पोष्टमार्टमका लागि जिल्ला अस्पताल अर्घाखाँचीमा लगिएको थियो । घटनाको अनुसन्धान भईरहेको प्रहरीले बताएको छ ।
जेष्ठ २० गते, २०७९ मा प्रकाशित
