सागर महत
अर्घाखाँची । अर्घाखाँचीबाट भारतको नयाँ दिल्लीसम्म नेपाल भारत मैत्री एसी बस सञ्चालनमा आएको छ । पश्चिम नेपाल बस व्यवसायी प्रालिले सञ्चालन गरेको कामना बसको सन्धिखर्क नगरपालिकाका नगरप्रमुख कृष्णप्रसाद श्रेष्ठले उद्घाटन गर्नुएको छ ।
जिल्लाबाट दिल्लीमा पुग्ने यात्रुहरूका लागि सहजता हुने उनले बताउनुभयो। यो संगै दिल्ली जाँदा कृष्णनगर र सुनौली गएर अन्य गाडीहरु खोज्नु पर्ने झन्झटको अन्त्य हुनुका साथै पैसाको पनि बचत हुने नगरप्रमुख श्रेष्ठले बताउनुभयो ।
सोमबार, बुधबार र शुक्रबार गरि ३ दिन सम्म संचालन हुने बस सन्धिखर्कबाट ११ बजे दिल्ली र बुधबार, शुक्रबार र आइतबार दिल्लीबाट ८ बजे सन्धिखर्कका लागि छुट्ने पश्चिम नेपाल बस व्यवसायी प्रालि अर्घाखाँची शाखा प्रमुख कमलप्रसाद भट्टराईले जानकारी दिनुभयो। सन्धिखर्क, गोरुसिंगे, नेपालगञ्ज, लख्खिनपुरहुँदै दिल्ली बस पुग्नेछ । बसको भाडादर ३ हजार २ सय नेपाली रहेको छ ।
कार्तिक २१ गते, २०७९ मा प्रकाशित
