एसिड हान्ने र योजना बनाउनेलाई ७ वर्ष जेल सजाय

काठमाडौं । एसिड हान्ने र योजना बनाउने दुवैलाई ७ वर्षकाे जेल सजाय भएकाे छ ।

ओखलढुंगाकी पवित्रा कार्कीमाथि एसिड हान्ने र योजना बनाउने दुवैलाई जिल्ला अदालत, काठमाडौंले जेल सजाय सुनाएको हाे।

योजनाकार मोहम्मद आलमलाई ७ वर्ष कैदसहित जरिवाना तोकिएकाे छ। यस्तै एसिड छ्याप्ने फैयाद अन्सारीलाई पनि ७ वर्ष कैदसहित जरिवाना तोकिएको छ ।

न्यायाधीश प्रकाशप्रसाद पण्डितको इजलासले उनीहरुलाई कैदसहित जरिवानाकाे फैसला सुनाएकाे हाे ।

कार्कीमाथि ३१ साउन २०७७ मा काठमाडौंको सीतापाइलामा एसिड प्रहार भएको थियो ।