आफू प्रधानमन्त्री भएपछि द्विपक्षीय सम्बन्ध सुधार भएको दाबी गर्दै मोदीले भने- ‘पार्टनरसिप सुपरहिट हुन्छ’

नयाँ दिल्ली । भारतीय प्रधानमन्त्री नरेन्द्र मोदीले सन् २०१४ मा आफू पहिलोपटक प्रधानमन्त्री भएपछि त्यसयता नेपाल-भारतको द्विपक्षीय सम्बन्धमा धेरै सुधार भएको बताएका छन् ।

प्रधानमन्त्री पुष्पकमल दाहाल ‘प्रचण्ड’को भारत भ्रमणका क्रममा दिल्लीस्थित हैदरावाद हाउसमा संयुक्त पत्रकार सम्मेलन गर्दै भारतीय प्रधानमन्त्री मोदीले यस्तो बताएका हुन् । उनले आफू प्रधानमन्त्री बनेपछि सबैभन्दा पहिले नेपालको भ्रमण गरेको सम्झँदै नाका अवरोध नहोस् भनेर काम गरेको बताए ।

उनले योबीचमा पाइपलाइनमार्फत् डिजेल निर्यात, नेपालबाट भारतमा बिजुली निर्यातको सुविधाका लागि सहजीकरण गरिएको भनाइ उनले राखे । “९ वर्षमा हाम्रो पार्टनरसिप साँच्चै हिट भयो,” उनले भने, ‘९ वर्षको उपलब्धि बयान गर्न खोजे दिन बित्छ, भविष्यमा सुपरहिट बनाउनेगरी महत्त्वपूर्ण निर्णय गरेका छौँ।’

भारत भ्रमणका क्रममा दुई पक्षबीच ९ बूँदे द्विपक्षीय सम्झौता भएको छ । तल्लो अरुण, भारतीय बाटो हुँदै बंगलादेशसम्म बिजुली निर्यात, ४८० मेगावाटको फुकोट कर्णाली, पञ्चेश्वर बहुद्देश्यीय आयोजना, पेट्रोलियम पाइपलाइन, क्रस बोर्डर पेमेन्टलगायतका विषयमा द्विपक्षीय सम्झौता भएको संयुक्त पत्रकार सम्मेलनमा जानकारी भारतीय प्रधानमन्त्री मोदीले दिए ।- नेपाल भ्यु