राष्ट्रिय तथा अन्तराष्ट्रिय उडानहरु असार २१ गतेसम्म बन्द

राष्ट्रिय तथा अन्तराष्ट्रिय उडानहरु असार २१ गतेसम्म बन्द

-टिपी भुसाल 

काठमाडौं । नेपाल नागरिक उड्डयन प्राधिकरणले व्यवसायिक रुपमा हुने सबै राष्ट्रिय तथा अन्तराष्ट्रिय उडानहरुमा असार २१ गते ( ५जुलाई २०२०) सम्मका लागि पुनः प्रतिबन्ध लगाएको छ । 

प्राधिकरणले आइतवार सूचना जारी गर्दै जारी प्रतिबन्धको समय बढाएको हो । तर, प्राधिकिकरणको अनुमतिमा यो समयमा पनि उद्धार, मेडिकल कार्गो जस्ता उडानहरु भने हुने प्राधिकरणले जानकारी दिएको छ ।

गत बिहीवार बसको मन्त्रिपरिषद् बैठकले झन्डै ३ महीनादेखि जारी लकडाउनको मोडालिटी परिवर्तन गरी विभिन्न क्षेत्रमा लकडाउन खुकुलो बनाएपनि व्यवसायिक हवाई उडानलाई बन्द नै गर्ने निर्णय गरेकोले सोही निर्णयका आधारमा समय थप गरिएको प्राधिकरणका महानिर्देशक राजन कुमार पोखरेलले जानकारी दिए । 

सरकारले गरेको निर्णय अनुसार २१ दिनको लागि यो व्यवस्था लागू गरिएको र त्यसपछिको परिस्थिती अनुसार थप निर्णय हुने उनले बताए । 

‘सरकारले पछिल्लो पटक लकडाउन खुकेलो बनाउँँदा आन्तरिक तथा अन्तरराष्ट्रिय उडानहरु तत्काल नखुल्ने गरी पहिलो चरणमा मोडालिटी परिवर्तन गरेकोले प्राधिकरणले सोही अनुसार समय थप गरेको हो । 

यो बीचमा उद्धार तथा मेडिकल कार्गो जस्ता अत्यावश्यक उडानको लागि अनुमति लिएर उडान गर्न भने रोकिदैनन्’ उनले भने । गत बिहीवार बसेको मन्त्रीपरिषद् बैठकले अन्य विभिन्न क्षेत्रमा लकडाउन खुकुलो बनाउने निर्णय गरेको थियो । अभियानले उल्लेख गरेको छ। 

अन्य समाचारहरु