पर्वतमा पहिराले घर पुर्‍यो, १ घाइते

विमल खतिवडा
 
 पर्वत  - पर्वतको शंकरपोखरी गाविस वडा नम्बर ६ मा आइतबार बिहान पहिरोले एक घर पुरेको छ । त्यस्तै एक जना घाइते भएका छन् । घर नजिकैको कान्लो भत्किएर स्थानीय सुर्यबहादुर विकको घर पुरेको हो ।

पहिरोमा परेर सुर्यबहादुर घाइते भएका छन् । बिहानको सयमा पहिरो आएकाले अन्य मानवीय क्षती भने हुन नपाएको प्रहरीले जनाएको छ । विक बाहेक परिवारका सवै सदस्य घर बाहिर काममा निस्किएका बेला पहिरो आएकाले मानवीय क्षती हुन नपाएको हो ।

विकको अन्नपात लत्ताकपडा लगायतकासवै घरायसी सामान पहिरोमा पुरिएको छ । त्यस्तै १४ वटा कुखुरा पहिराले पुरेको जिल्ला प्रहरी कार्यालय पर्वतका प्रहरी निरीक्षक विजयराज पण्डितले बताए ।

स्थानीय रामबहादुर विक र फत्तबहादुर विकको घर समेत पहिराको जोखिममा परेका छन् । पहिरो पीडित परिवार र जोखिममा रहेका परिवारलाई स्थान्तरणमा पहल गरिएको स्थानीयवासी नारायण भूषालले जानकारी दिए ।

अन्य समाचारहरु