देखेको छु (गजल)

देखेको छु (गजल)
कमल घिमिरे 
अर्घाखाँची


कसैको छ र त सिसाको दरबार देखेको छु,
त्यहि सिसामा अाफ्नो मलिन अनुहार देखेको छु,

जुन दिन म हजुरको कृति पढ्ने मौका पाए,
साच्चै हजुरभित्र ठुलै साहित्यकार देखेको छु

मेरो वा ले अझैसम्म काठमाडौ टेकेका छैनन,
म त्यहि वाउको ऋणमा कतार देखेको छु,

महोदय! तपाईं कुन शान्तिको कुरा गर्दै हुनुहुन्छ 
बुद्धकै देशमा म अचेल काटमार देखेको छु,

तिमी मसङ्ग जति रिसाएजस्तै नाटक गरे पनि 
त्यो तिम्रो अाखामा मेरो लागि प्यार देखेको छु,

अबसरको खोजिमा सहर भित्रीएको म अाज
चोक अनि गल्लिहरुमा देहव्यापार देखेको छु,

यसकारण पनि उ मलाई असाध्यै मनपर्छ,
उ भित्र मेरो जस्तै मिल्ने बिचार देखेको छु
 
सायद लिपुलेखले पुगेन होला उनिहरुलाई,
अचेल जनकपुर बेच्ने सुरसार देखेको छु,