सन्धिखर्कको टुडीखेलमा पत्रकार, कर्मचारी र राजनितिक दलको मैत्रीपुर्ण भलिबल खेल

 
प्रेमनारायण आचार्य
 
सन्धिखर्क, अर्घाखाँची १४ जेठ । बिहानै देखि साँझ सम्म जिल्लाका खबर संकलन गर्न र समाचार लेख्न तल्लीन रहने पत्रकारहरु आज बिहानै सदरमुकाम सन्धिखर्कमा रहेको टुडीखेलमा सेतो जर्सीमा देखिए । त्यो पनि भलिबल खेल्नकालागि ।

    पत्रकार मात्र हैन । सदा सर्बदा भाषण, सभा र  समारोहमा उपस्थित हुने राजनितिक दलका नेताहरु पनि खेलको जर्सीमा देखिन्थे । जनताको सेवामा अहोरात्र खटिने कर्मचारीहरु पनि भलिबल खेल्नका लागि मैदानमा उत्रिए ।

गणतन्त्र दिबसको अबसरमा बुधबार बिहान ७ बजे कर्मचारी, पत्रकार र राजनितिक दलका नेताहरु तीन समुहको मैत्रीपुर्ण भलिबल प्रतियोगीता खेल्ने निर्णय भए अनुसार पत्रकार, कर्मचारी र राजनितिक दलका नेताहरु आआफ्नो जर्सीमा देखिन्थे । सबै जुटेपछि तीन समुहमा रहेका पत्रकार , कर्मचारी र राजनितिक दलका नेताहरु को को खेल्ने भन्ने निर्णयका लागि रेफ्रीले गोला थुताए । कर्मचारीले बाइ पायो भने ।

 पत्रकार र राजनितिक दलका नेताहरुको मैत्रीपुर्ण भलिबल खेल सुरु भयो । राजनितिक दललाइ सोझो सेटमा हराएपछि  पत्रकार र कर्मचारीको खेल सुरु भयो । कर्मचारीको समुहमा प्रमुख जिल्ला अधिकारी ज्ञानप्रकास ढकालको नेतृत्वमा रहेको थियो । राजनितिक दललाइ हराएको पत्रकारको समुहले कर्मचारीको समुहलाइ जित्न सकेन । कर्मचारीले मैत्रीपुर्ण भलिबल जित्यो ।

बेस्ट अफ ३ मा खेलिएको खेलमा पहिलो खेल पत्रकारले जिते पनि त्यस पछिका दुइ खेल लगातार जितेर कर्मचारीले जीत हासिल गरेको हो ।

अन्य समाचारहरु