अछाममा बाघको आतङ्क, एकै फर्मका ४ बाख्रा मार्‍यो | १३ बाख्राको अवस्था अज्ञात

अछाममा बाघको आतङ्क, एकै फर्मका ४ बाख्रा मार्‍यो | १३ बाख्राको अवस्था अज्ञात

टेकराज भण्डारी रेडियो नेपाल 

अछाम । अछाममा बाघको आतङ्क बढेको छ । जिल्लाका विभिन्न स्थानमा बाघले घरपालुवा जनावर सखाप पार्न थालेको छ ।

जिल्लाको पञ्चदेवल विनायक नगरपालिका वडा नम्बर ७ पुल्लेतोलमा बाघले आतङ्क मच्चाउन थालेको स्थानीयले बताएका छन् । पुल्लेतोलाको डुम्सिगडामा सञ्चालित आशिष् बाख्रा फर्ममा पालिएका २२ बाख्रा बाघले सखाप पारेको स्थानीयले जनाएका छन् ।

फर्मका सञ्चालक भद्र बहादुर रावलका अनुसार गए राती गोठमै बाघले आक्रमण गरेको थियो । आज बिहान गाउँलेको सहयोगमा खोजी गर्दा ४ वटा बाख्रा मृत भेटिएका छन् । ५ बाख्रा सकुशल भेटिएका र १३ बाख्राको अवस्था अज्ञात रहेको सञ्चालक रावलले बताउनुभयो ।

अन्य समाचारहरु