चुत्राबेसीको भद्रीखोलाका वादी समुदायलाई १५ हजार लिटर पानी अट्ने खानेपानी टंकीको शिलान्यास (तस्बिर सहित)

चुत्राबेसीको भद्रीखोलाका वादी समुदायलाई १५ हजार लिटर पानी अट्ने खानेपानी टंकीको शिलान्यास (तस्बिर सहित)


श्याम घिमिरे

सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर २ चुत्राबेसीको भद्रीखोलामा बसोवास गर्ने वादी समुदायका लागि खानेपानी बितरण गर्न खानेपानी टंकीको शिलान्यास गरीएको छ । 


१५ हजार लिटर पानी अट्ने क्षमता रहने टंकीको सन्धिखर्क वडानम्वर २ का वडाअध्यक्ष मोतिजंग रायमाझीले आज एक कार्यक्रमका बिच शिलान्यास गर्नु भएको हो । कार्यक्रममा मनतब्य राख्दै रायमाझीले बादी समुदायपनि अरु समुदायजस्तै बराबर हुनुपर्ने बताउनुभयो । उहाँले बादी समुदायको समग्र बिकासकोलागी आफुहरुलागी परिरहेको भन्दै बिकास निर्माणमा सबैको सहयोग चाहीने कुरामा जोड दिनु भयो । रायमाझीले निर्वाचनमा जनतासामु गरेका बाचाहरु बिस्तारै पुरागर्दे गएको बताउनु भयो ।


सन्धिखर्क २ का वडासदस्य शुश्मा श्रेष्ठको सञ्चालनमा सम्पन्न कार्यक्रममा वडासदस्यहरु मिना साँवत,हिमबहादुर मुखिया,यमलाल पौडेल,एमाले सन्धिखर्क २ का पार्टी अध्यक्ष नारायण खड्का,सचिब पदम भुसाल,उपसचिव पबित्रा सापकोटा लगायत स्थानिय उपभोक्ताहरुको उपस्थिति रहेको थियो ।


करीब १० लाख रुपैयाको लागतमा सम्पन्न हुने उक्त योजना, खानेपानी तथा सरसफाई डिभिजन कार्यालय अर्घाखाँचीको सहयोग र उपभोक्ता समितिको श्रमदानमा सम्पन्न हुने जनाईएको छ । योजनाबाट १५ घरपरीवारका झण्डै ७५ जना लाभाम्वीत हुने उपभोक्ता समितिका अध्यक्ष लक्ष्मी बादीको भनाई रहेको छ ।


यसअघि बादी समुदायका ११ घरपरिवार र संगै बस्दै आएका दुई दलित परिवार गरी १३ घरपरिवारलाई लुम्बिनी प्रदेश सरकार मुख्यमन्त्री ग्रामिण विकास तथा रोजगार कार्यक्रम र सन्धिखर्क नगरपालिकाले आवासको लागि घर निर्माण गरिदिनुका साथै सोलार बत्ती समेत वितरण गरेका थिए । झन्डै चार दशकदेखी भद्रिखोलाकै सामुदायिक वनमा बस्दै आएका बादी समुदाय अहिले पक्की घरमा बस्दै आईरहेका छन् । 

अन्य समाचारहरु