आफ्नो रङ फेरिरहने रारा ताल

आफ्नो रङ फेरिरहने रारा ताल
काठमाडाैं, फागुन १९ गते  । कर्णाली प्रदेशकै गहनाकाे रूपमा रहेकाे सुन्दर ताल रारा ताल हो । यो नेपालको सबैभन्दा ठूलो ताल पनि हो । जैविक विविधताको हिसाबले पनि यो ताल महत्वपूर्ण मानिन्छ । नेपाल सरकारले घोषणा गरेका मुख्य १०० वटा पर्यटकीय स्थल र कर्णाली प्रदेशले घोषणा गरेका मुख्य १० वटा पर्यटकीय स्थलमा सूचीकृत छ यो क्षेत्र । 

यो नेपालको उत्तर–पश्चिममा पर्ने कर्णाली प्रदेशको मुगु र जुम्ला जिल्लामा अवस्थित छ । मुगु जिल्लाको दक्षिण र जुम्ला जिल्लाको उत्तर–पश्चिममा पर्ने यस निकुञ्जको क्षेत्रफल १०६ वर्ग कि.मि. छ । निकुञ्जको अधिकतम अर्थात् ९० प्रतिशत भाग मुगु र बाँकी १० प्रतिशत जुम्ला जिल्लामा पर्छ । वरिपरि हरियो कोणधारी वनजङ्गलले घेरिएको उच्च हिमाली भूभागमा रहेको आकाशको रङअनुसार आफ्नो रङ फेरिरहने रारा तालमा सल्बलाउने कञ्चन पानी यस निकुञ्जको मुख्य आकर्षण मानिन्छ । 

तस्बिर साैजन्य : निहितप्रकाश कँडेल/प्रतीक्षा बानियाँ गोरखापत्र 


अन्य समाचारहरु