नेपाल सम्पती शुद्धिकरणको कालोसूचीमा पर्ने जोखिम बढ्यो, विप्रेषण र आयात निर्भर नेपालको अन्तर्राष्ट्रिय बैंकिङ कारोबार बन्द हुने - गगन थापा

नेपाल सम्पती शुद्धिकरणको कालोसूचीमा पर्ने जोखिम बढ्यो, विप्रेषण र आयात निर्भर नेपालको अन्तर्राष्ट्रिय बैंकिङ कारोबार बन्द हुने - गगन थापा

tvs



काठमाडौं ।  नेपाली कांग्रेसका महामन्त्री तथा प्रतिनिधि सभा सदस्य गगनकुमार थापाले नेपाल सम्पत्ति शुद्धीकरणको कालोसूचीमा पर्नसक्ने जोखिम बढेको बताउनुभएको छ ।

Sanima

मंगलबार बसेको प्रतिनिधि सभाको शून्य समयमा बोल्दै थापाले नेपाल यसअघि कालोसूचीमा पर्नबाट जोगिएको तर यो पटक कालोसूचीमा पर्नसक्ने अवस्था रहेको बताउनुभएको हो ।

उहाँले नेपाललाई सम्पती शुद्धिकरणको कालोसूचीमा पर्न नदिन सरकारले केके काम गरिरहेको छ त्यसबारेमा संसदलाई जानकारी गराउनुपर्ने माग गर्नुभयो । थापाले सम्पति शुद्धिकरण सम्बन्धी ४० वटा सूचीमा नेपालको अवस्थाबारे सरकारले तत्काल संसदमा जानकारी गराउनु पनि माग गर्नुभयो ।

उहाँले नेपालमा सम्पती शुद्धिकरण सम्बन्धी पर्याप्त कानून नबनिसकेको, बनेको कानूनको पनि प्रभावकारी रुपमा कार्यान्वयन नभएको, व्यापकर कर छली, बढ्दो भ्रष्टाचार र अपराधिकरणको कारणले गर्दा हाम्रो हाम्रो समष्टिगत मूल्यांकन अति जोखिमपूर्ण अवस्थामा भएको विज्ञहरुले बताइरहेका पनि बताउनुभयो । थापाले नेपाल सम्पती शुद्धिकरणको कालोसूचीमा परेमा विप्रेषण र आयातमा निर्भर नेपालको अन्तर्राष्ट्रिय बैंकिङ कारोबार बन्द हुने र एलसी खोल्न नपाइने दाबी गर्नुभयो ।

अन्य समाचारहरु