Login or Subscribe

शून्य छ (गज़ल)

- कोमल भट्ट
च.न.पा-१३, काठमाडौँ
हाल:-  न्युयोर्क, अमेरिका 

गयौ तिमी,मन शून्य छ
निवास,आँगन शून्य छ 

सहस्र दर्द छ देहमा 
छ रुद्ध धड्कन शून्य छ

सताउँदै छ उजाडले
फुलेन कानन शून्य छ 

रहेन आस बहारको 
उडेर शोभन शून्य छ

निकास बन्द छ आँसुले 
छ तीव्र रोदन शून्य छ

लग्यो चुँडेर निष्ठुरले
दुखेर आसन शून्य छ 

न बज्छ गीत मिठासको 
न चल्छ वाहन,शून्य छ   

छिनेछ तार सितारको 
सुनिन्न गायन शून्य छ   

लुट्यो सुशान्ति वियोगले
बढेर उल्झन शून्य छ 

विदीर्ण भो तन बेसरी 
प्रगाढ चिन्तन शून्य छ  

धुजा भए सब चाहना  
विरक्तले पन शून्य छ 

छ अन्धकार जताततै 
निभेछ रोशन शून्य छ   

निल्यो सदैव हताशले
फुरेन सिर्जन शून्य छ  

भएन छङ्ङ कतै पनि 
धिमा छ लोचन शून्य छ 

रिझेन दैव कसै गरी 
पुकार,साधन शून्य छ  

थचारिए परिकल्पना
समग्र वाञ्छन शून्य छ  

निसासिँदै छु पला पला 
खुलेन जीवन शून्य छ  


ISI  SII  SIS
तालूङ छन्द
गण :- ज भ र
विश्राम:- ४ अक्षरमा

 

अन्य समाचारहरु

हबाइ दुर्घटना २०७९ ! मृतक र आफन्तको सम्झना !!!

ईज्जत (मुक्तक) - एलिसा पोख्रेल, खनदह अर्घाखाँची

बाच्न मुस्किल छ (कविता)

मई दिवस

प्रतिगामीहरु हार स्विकार गर्नुपर्छ (कविता)

शिर्षक नमिलेकाे (कविता)

अर्घाखाँचीकी सपना आचार्यको "मलिलो माटो" उपन्यास सार्वजनिक

के गरी हो बाच्ने (कविता)

झाेलाकाे वजन (कविता)

"भ्यु - टावर (कविता)

समानताको बाटो खाेजाैं (कविता)

हर्केकाे चिठ्ठि

फुल (कविता - गजल)

सुरुङ खन्ने मुसा (कविता)

सार्वजनिक (गजल)

गाउँ फर्क (कविता)

जुटेका मानिसहरु

एमसिसी खारेज गर (कविता-गजल)

मुठ्ठी उठाई (कविता)

एमसिसी र नेता (कविता)

किन चाहियो विवादित एमसीसी ? ( कविता)

Arghakhanchi.Com