मंसिर १७ गते, २०८१ मा प्रकाशित
-टेकराज भुसाल, बुटवल।
बुटवल-१३ बेलवासमा माेटरसाइकल वर्कशप संचालन गर्दै आएका युवा व्यवसायी माधवराज गैरेले आफ्नो जन्मदिन मानवसेवा आश्रममा मनाएका छन्।
बुटवल सुख्खानगरमा रहेको मानवसेवा आश्रममा आश्रित ५१ जनालाई खाना खुवाएर जन्मदिन मनाएका हुन्। पछिल्लो समय हजारौँ खर्च खर्चिएर रेष्टुरेन्ट होटलमा पार्टी दिने प्रचलन रहेको छ ।
त्यहि खर्च सामाजिक कार्यका लागि खर्चिँदा समाजमा राम्रो सन्देश जाने भएकाले आश्रममा जन्मदिन मनाएको युवा व्यवसायी गैरेले बताए।
अर्घाखाँची जिल्लाको भूमिकास्थान नगरपालिका वार्ड नम्बर १० धन्चाैरमा स्थायी ठेगाना भएका गैरेले विगत केहि समयदेखि बुटवल १३ बेलवास शिवालय चाेकमा माेटरसाइकल वर्कशप संचालन गर्दै आइरहेका छन।
थप तस्बिर:
अन्य समाचारहरु
