– प्रेमनारायण आचार्य
अर्घाखाँची २४ बैसाख । अर्घाखाँचीका अधिकाशं गाउं बिकास समितीका महिलाहरु आङ खस्ने रोगबाट पिडित बन्दै आएका छन ।
ग्रामीण क्षेत्रमा बस्ने महिलाहरुको जनचेतनाको कमी रुढीबादी परमपरा र रोग लुकाउने प्रबिधिको कारणले ४२ गाविस रहेको अर्घाखाँचीमा धेरै महिलाहरुमा यस्तो समस्या बाट पिडित बनेका छन् ।
महिलाहरु २० वर्ष अघि आमा बन्नु घर र अन्यमा कडा परिश्रम गर्नुपर्ने सुत्केरी भएपछि पनि आरामभन्दा बढि काममा लाग्नुपर्ने जस्ता धेरै कारणहरुले पनि महिलाहरुमा आङ खस्ने समस्या देखिएको छ ।
हुने खानेले शहर बजारमा गएर महंगी तिरेर पनि औषधि गर्छन तर नहुने कम्जोर र गरिविका कारणले थुप्रै महिलाहरुमा यस्तो समस्या देखा परेको महिलाहरु नै बताउँछन् ।
महिलाहरुले गर्भमा शिशु रहँदा र गर्भपछि पनि आराम भन्दा बढि काम गर्नु पर्दा आङ खस्ने समस्याबाट महिलाहरु पिडीत हुने गरेको चिकित्सकहरु बताउन्छन् ।
यसलाई समयमै उपचार गर्न सके निको हुने तर वेवास्ता गरे क्यानसर जस्तो रोग लागेर ज्यान नै जान सक्ने खतरा रहेको जिल्ला स्वास्थ्य कार्यलयका डा। प्रदिप अधिकारीले बताएका छन् ।
बैशाख २४ गते, २०६८ मा प्रकाशित
