इसाईहरुका धर्मगुरु पोप वेनेडिक्ट १६ औं ले क्रिसमसको व्यवसायीकरण भएको भन्दै आलोचना

 

क्रिसमसको पूर्व सन्ध्यामा रोमको सेन्ट पीटर बैसेलिकामा आयोजित सभामा उहाँले क्रिसमसमा तडकभडकबाट टाढै रहन आह्वान गर्नुभयो ।

 

जिससको जन्मकहानीमा ध्यान केन्द्रित गरी वास्तविक आनन्द र प्रकाशको खोजी गर्न पोपले आग्रह गर्नुभएको छ । पोपले विश्वमा बढिरहेको हिंसात्मक घटनाप्रति दुःख व्यक्त गर्दै गरिबी र अभावको जिन्दगी बांचिरहेकाप्रति प्रार्थना गर्नुभयो ।

 

यसैबीच क्रिसमसका अवसरमा विश्वका विभिन्न भागबाट १ लाख २० हजारभन्दा बढी मानिस प्यालेष्टाइनको पश्चिमी किनारामा भेला भएका छन् ।

उनीहरुले इजरायल र प्यालेष्टाइनबीच शान्तिको कामना गरेका छन् । इसाई धर्मका प्रणेता जिसस क्राइष्ट प्यालेष्टाइनको पश्चिमी किनारास्थित बेथलहममा जन्मिएको विश्वास गरिन्छ । बेथलहममा जिसस क्राइष्टको जन्मस्थल मानिएको १७ हजार पुरानो चर्च पनि छ ।