बेल्जियमको राजधानी ब्रसेल्समा हालै बसेको युरोपियन अर्थमन्त्रीहरुको बैठकले आर्थिक संकटको मारमा परेको ग्रीसका लागि ऋण उपलब्ध गराउन तीन वटा शर्त राखेको छ ।
लक्जमबर्गका प्रधानमन्त्रीको अगुवाईमा भएको बैठकमा ग्रीसले सन् २०१२ मा ३२ करोडभन्दा बढी युरो बचत गर्नुपर्ने, खर्च कटौतीको योजनाका लागि स्वीकृति दिनुपर्ने सम्झौतामा हस्ताक्षर गर्नुपर्ने र आगामी अप्रिलमा हुने चुनावलगत्तै यी सम्झौता लागू गर्नुपर्ने लगायतका छन् ।
यी शर्त लागू गरेमा ग्रीसलाई १ सय ३० अर्व युरो प्रदान गर्न युरोपेली मुलुकका अर्थमन्त्रीहरु सहमत भएका छन् ।
आर्थिक संकटमा फसेको ग्रीसले भने युरोपियन युनियन र अन्तर्राष्ट्रिय मुद्रा कोषसँग आर्थिक सहायताका लागि अपील गरिरहेको छ ।
माघ २७ गते, २०६८ मा प्रकाशित
