– गजेन्द्र बोहरा
दाङ – एसएलसी परीक्षा दिन जाँदै गरेकी दाङकी एक किशोरीले मङ्गलबार बाटैमा बच्चा जन्माएकी छिन्।
देउखुरीको गढवा उच्च मावि परीक्षा केन्द्रबाट परीक्षा दिइरहेकी जुगमाया चौधरीले परीक्षा दिन जाँदै गर्दा बाटोमै बच्चा जन्माएको परीक्षा केन्द्रका केन्द्राध्यक्ष गोविन्द पौडेलले जानकारी दिए।
छोरा जन्माएकी चौधरीले परीक्षा केन्द्रको परिसरभित्र एम्बुलेन्समा बसेर मङ्गलबारको जनसङ्ख्या विषयको परीक्षा दिएकी छिन्।
उनलाई आधा घण्टा समय थप गरिएको थियो। उनी परीक्षा सुरु हुनुभन्दा १५ मिनट पछाडि परीक्षा केन्द्र पुगेकी थिइन्।
चैत्र १४ गते, २०६८ मा प्रकाशित
