बैशाख ३० गते, २०६९ मा प्रकाशित
– भूषण यादवबन्दकर्ताहरु मूख्य सडकमै टेन्ट लगाएर धर्नामा बसेका छन् । सीमा वारपार गर्ने सर्वसाधारण मारमा परेका छन् । आर्थिक एवम् ऐतिहासिक नगरीलाई प्रादेशिक राजधानी बनाउन विभिन्न दल सम्मिलित भएर गठित सर्वदलीय समितिले सशक्त दबाबमुलक कार्यक्रम अन्तर्गत अन्तराष्ट्रिय नाका ठप्प गर्ने निर्णय गरेको पर्सा कांग्रेस सभापति सुरेन्द्र चौधरीले बताए ।
सर्वदलीय, सर्वपक्षीय संघर्ष समितिबाट मधेशवादी दल बाहिरीएका छन् । संयुक्त मधेशी मोर्चाले शनिबार बिहान पत्रकार सम्मेलन मार्फत संघर्ष समितिबाट छुट्टएिको जनाए । आफूहरु समग्र मधेश एक प्रदेशका लागि आन्दोलनरत रहेको बताए । सर्वदलीय संघर्ष समितिमा कांगेस, एमाले र माओवादी एकजुट भएका छन् ।
माग सम्बोधन नभएसम्म आन्दोलन जारी राख्ने संघर्ष समितिका अध्यक्ष चौधरीले बताए । सामर्थ्य, पहिचान, क्षमता र पूर्वाधार विकासका हिसाबले वीरगन्ज मधेश वा भोजपुरिया क्षेत्रको राजधानी बनाउन उपयुक्त भएको संघर्ष समितिको दाबी छ । मुलुकमै औद्योगिक क्रान्तिको सूत्रधार रहेको र वर्तमान समयमा आर्थिक राजधानीका रुपमा विकसित भएको समितिको ठहर छ ।
अन्य समाचारहरु
