पाकिस्तानको पञ्जाव प्रान्तको वजीरावाद शहरमा वन्दुकधारीहरुले सेनाको एक क्याम्पमा गरेको आक्रमणमा कम्तिमा सात सैनिक मारिएका छन् । आक्रमणमा अरु पांच जना घाईते भएको पाकिस्तानी सेनाले जनाएको छ ।
गत मे महिनामा हेलिकप्टर दुर्घटनामा मारिएका सेनाका पाइलटको शव खोज्ने कार्यमा सेनाको क्याम्प बनाइएको थियो । सेनाको क्याम्प स्थानीय चिनाव नदीको किनारा नजिक रहेको जनाइएको छ ।
आक्रमणको जिम्मेवारी हाल सम्म कसैले लिएको छैन ।
पाकिस्तानको उत्तरपश्चिमी आदिवासी क्षेत्रमा इस्लामिक विद्रोही विरुद्ध सेना सक्रिय छ ।
आषाढ़ २५ गते, २०६९ मा प्रकाशित
