तमिलनाडु राज्यको पटाकाखानामा भीषण आगलागी हुँदा कम्तिमा ३१ जनाको मृत्यु

दक्षिण भारतीय राज्य तमिलनाडुको सिभाकासी शहरको पटाकाखानामा भीषण आगलागी हुँदा कम्तिमा ३१ जनाको मृत्यु भएको छ । आगो नियन्त्रणमा लिइएपनि कारखानाभित्रबाट विष्फोटको आवाज आईरहेको जनाइएको छ ।

आगलागीको समयमा कारखानाका ४० वटा कोटामा २ सय ५० भन्दा बढी कामदार रहेको बताइएको छ । उद्धार कार्य जारी रहेकाले आगलागीमा परी मर्नेको संख्या बढ्ने अनुमान गरिएको छ ।

आगलागीको कारण थाहा हुन नसकेको अधिकारीहरुले जनाएका छन् । यो शहरमा हजारौ यस्ता पटाकाखाना रहेको र भारतमा उत्पादन हुने पटाकाको ९० प्रतिशत यही शहरमा हुने गर्दछ ।