दाङको नारायणपुरबाट नक्कली भारतीय रुपियाँ सहित एक जनालाई पक्राउ

दाङ । दाङको नारायणपुरबाट नक्कली भारतीय रुपियाँ सहित एक जनालाई प्रहरीले पक्राउ गरी आज सार्वजनिक गरेको छ । पक्राउ पर्नेमा दाङ हलवार गाविस घर भई हाल नेपालगञ्ज बसपार्क नजिक डेरा गरी बस्ने भीमकान्त रेग्मी छन् ।

रेग्मीसँग प्रहरीेले पाँच सय दरका ४९ वटा नक्कली भारतीय नोट पनि बरामद गरेको छ । रेग्मीलाई पसलहरुमा नोट साट्दै गरेको अवस्थामा पक्राउ गरिएको प्रहरीले जनाएको छ । RSS