भाद्र ६ गते, २०७० मा प्रकाशितनेपालगञ्ज । तीन बर्षअघि नेपालगञ्जका दुइ जना स्कुले विद्यार्थीको अपहरण गरी हत्या गरेको अभियोग लागेको जियाउल मनिहारलाई बाँके प्रहरीले पक्राउ गरी सार्वजनिक गरेको छ । नेपालगञ्जका विद्यार्थीद्वय लीलाधर भट्ट र कपिल द्ववेदीलाई मनिहारको समूहसहितको समूहले अपहरण गरेको थियो ।
विद्यार्थीद्वयको परिवारबाट फिरौती लिएपछि पनि अपहरणकारीहरुले २०६७ साल असोजमा दुवै विद्यार्थीको घाँटी रेटेर हत्या गरेका थिए । नेपाल प्रहरीको मोष्ट वाण्टेड सूचिमा रहेको जियाउल मनिहारलाई बाँके प्रहरीले गत असार १७ गते नेपालगञ्जबाटै पक्राउ गरेको थियो ।
लागूऔषध ब्राउन सुगरसहित पक्राउ परेको वकिल दर्जीमाथि अनुसन्धान गर्दै जाँदा उक्त ब्यक्ति मोष्टवान्टेड जियाउल मनिहार भएको खुलेको प्रहरीले जनाएको छ । मनिहारमाथि चार वर्ष पहिले बाँकेको इन्द्रपुरमा गंगाराम पासी र मुन्ना यादवको पनि हत्या गरेको अभियोग लागेको छ ।
अन्य समाचारहरु
