मोरङ, जेष्ठ ३० । मोरङ जिल्ला प्रशासन कार्यालयले जुम्लाबाट ल्याइ ‘धर्म परिवर्तन’का लागि चर्चमा लुकाइ राखिएका १३ बालबालिकाको आज उद्धार गरेको छ । मोरङको शोराभाट-७ स्थित चर्चमा ती बालबालिकालाई थुनेर राखेको अवस्थामा उद्धार गरिएको मोरङ प्रशासनले जनाएको छ ।
धर्म परिवर्तन गराइ क्रिश्चियन बनाउने उद्देश्यले जुम्लाबाट बालबालिका ल्याएर चर्चमा लुकाइएको थाहा पाएपछि उद्धार गरिएको मोरङका सहायक प्रमुख जिल्ला अधिकारी प्रेमप्रसाद लुइँटेलले जानकारी दिए ।
बालबालिकाहरुलाई चर्चमा गुम्स्याएर राखिएको र खानासमेत नपाएको अवस्थामा उद्धार गरिएको पनि उनले बताएका छन् । IMAGEKHABAR
जेष्ठ ३१ गते, २०७१ मा प्रकाशित
