पूर्व युवराज पारस शाह गाँजा सहित थाईल्याण्डमा पक्राउ परेका छन् ।
उनी अघिल्लो हप्ता बैंकको होटल डेभिसबाट पक्राउ परेको पुष्टि भएको हो । बैंकमा रहेको नेपाली दूताबासका अनुसार पारस १२ ग्राम गाँजासहित प्रहरीले होटलबाट पक्रेको हो ।
पूर्व युवराज पारस पक्राउ परेको एक हप्तापछि थाई प्रहरीले फ्याक्समार्फत दूताबासलाई जानकारी दिएको बुझिएको छ । शाह पक्राउ परेका विषयमा दुताबासले परराष्ट्र मन्त्रालयमा पनि जानकारी गराएको छ ।
पूर्व युवराज शाह तीन वर्षदेखि थाईल्याण्डमा बस्दै आएका छन र सन् २०१२ मा पनि पारसलाई प्रहरीले फूकेटबाट गाँजा सहित पक्रेको थियो ।
आषाढ़ ३१ गते, २०७१ मा प्रकाशित
