हेटौडा । मकवानपुरको सिस्नेरीमा टाटासुमो जिप दुर्घटना हुँदा ५ जनाको मृत्यु भएको छ । दुर्घटनामा अन्य ५ जना घाइते भएका छन् ।
काठमाडौंबाट हेटौडा तर्फ आइरहेको ना १ ज २४६७ नम्बरको जिप सिस्नेरी ५ को घुम्तिमा सडकबाट करिब डेढ सय फिट तल खसेर दुर्घटना भएको हो । मृतकहरुको सनाखत नभएको जिल्ला प्रहरी कार्यालय मकवानपुरले जनाएको छ ।
घाइतेहरुलाई उद्धार गरी काठमाडौंको मेघा अस्पताल पठाइएको छ ।
काभ्रेमा एकजनाको मृत्यु
यसैगरी धुलिखेलबाट दोलालघाट तर्फ जाँदै गरेको ट्रिपर सोमबार विहान पाँचखालमा दुर्घटना हुँदा एक जनाको मृत्यु भएको छ भने एकजना घाइते भएका छन् ।
बा २ ख १७९६ नम्बरको ट्रिपर सोमबार विहान ११ बजे पाँचखाल नगरपालिका ४ मा सडकबाट अन्दाजी २० फिट तल खस्दा काभ्रे पनौती नगरपालिका ९ का सुवास खत्रीको मृत्यु भएको हो ।
सहचालक धादिङ आरुबोटका रावल क्षेत्री दुर्घटनामा घाइते भएका छन् । उनको धुलिखेल अस्पतालमा उपचार भईरहेको दोलाघाट प्रहरी चौकीका ईन्चार्ज सई मनोज मैनालीले जानकारी दिए ।
ONLINEKHABAR
मंसिर २२ गते, २०७१ मा प्रकाशित
