जनकपुरमा ३० दलीय मोर्चाले गरेको बन्दमा प्रहरीले कुटेर आन्दोलनकारी राजाराम झाको हत्या गरेको आरोप लगाउँदै मंगलबार थप एक दिन मधेस बन्दको आहृवान गरिएको छ । मोर्चाको तर्फबाट संयोजक पुष्पकमल दाहालले विज्ञप्ती जारी गर्दै मंगलबार पनि मधेस, तराई, थरुहट, थारुवान बन्दको अपिल गरेका छन् । दाहालले धनुषामा प्रहरीले कुटेर झाको मृत्यु भएको दाबी गरेका छन् । दाहालले झालाई सहिद घोषणा गर्न, परिवारलाई क्षतिपूर्ति दिन र घटनाको छानबिन गरी दोषिलाई कारबाही गर्न माग गरेका छन् ।
जनकपुर, पौष २८ । जनकपुरमा बन्दका क्रममा एकजनाको हृदयाघातबाट मृत्यु भएको छ ।
एमाओवादीसहितको मोर्चाले सोमबार आह्वान गरेको बन्दका क्रममा बजार बन्द गराउन जानकी मन्दिरबाट सुरु भएको जुलुसमा सहभागी राजाराम झाको मृत्यु भएको हो । भमरपुरा चोकमा पसल बन्द गराउनेक्रममा उनी एक्कासी ढलेका थिए ।
जुलुस पछाडि रहेको प्रहरीको गाडीले तत्कालै उद्धार गरी जनकपुर अन्चल अस्पताल पु
पौष २८ गते, २०७१ मा प्रकाशित
