यमनको राजधानी सनाको दुई मस्जिदमा इस्लामिक अतिवादी संगठन आइएसले गराएको दुई आत्मघाती विस्फोटमा १ सय ३७ जना मारिएका छन् ।
विस्फोट मुस्लिम धर्मालम्बीहरु नमाज गर्दै रहेका समयमा गराइएकाले क्षति बढी भएको बताइएको छ ।
३ जना आत्मघाती व्यक्तिले एकसाथ आक्रमण गरेका थिए । दुबै मस्जिदको प्रयोग शिया विद्रोहीका समर्थकले गर्ने गरेको पनि बताइएको छ ।
हुतीको नामले परिचित यी शिया विद्रोहीले गत वर्ष सनामाथि कब्जा गरेका थिए ।
हालैका दिनमा सनामा अतिवादी गूटहरुबीच तनाब बढेको बताइएको छ । (एजेन्सी)
चैत्र ७ गते, २०७१ मा प्रकाशित
