सन्धिखर्क, अर्घाखाँची (अर्घाखाँची डट्कम)। अर्घाखाँची जिल्लाको नुवाकोट गाविस वार्ड नं. ४ स्थित चिउरामाटीमा बाघको आक्रमणमा परी एक बालिका घाईते भएकी छन् ।
बाघको आक्रमणमा परी ११ बर्षिया अस्मिता गैरे घाईते भएकी हुन् । साँझ करिव साँढे छ बजे घरको आगनमा खेलिरहेको अवस्थामा बालिका बाघले आक्रमण गरेको थियो ।
घाइते बालिकाको जिल्ला अस्पताल सन्धिखर्कमा उपचार भइरहेको छ ।
गत वर्ष नुवाकोट गाविसको वार्ड नं. ४ सुरसिंगमा दुर्गा बहादुर नेपालीको छोरा ३ बर्षिय नारायण नेपाली पिताम्बर नेपालीको छोरा ६ बर्षिय उमेश नेपालीलाइ बाघले खाएको थियो ।
अर्घाखाँचीमा अहिले पनि बाघले आंतक मञ्चाउन क्रममा नरोकीएपछि स्थानीय बासिन्दाहरु त्रसित बनेका छन् ।
श्रावण २६ गते, २०७२ मा प्रकाशित
