इस्लामिक उग्रवादीले बन्धक बनाएर राखेका एक क्यानेडेलीको फिलिपिन्समा हत्या भएको छ ।
फिलिपिन्समा पर्यटकका रुपमा आएका क्यानेडेली नागरिक ६८ वर्षीय जोन रिसडेलको शव टाउको काटिएको अवस्थामा दुर्गम स्थानमा फेला परेको हो ।
उनी गत सेम्टेम्बरमा पर्यटकको रुपमा फिलिपिन्समा आएका थिए ।
पर्यटकीय क्षेत्रको भ्रमणका क्रममा उनीसहित तीन जनालाई फिलिपिन्सको अबू सायफ समूहले नियन्त्रणमा लिएको थियो ।
जोनलाई छुटाउन इस्लामिक उग्रवादीहरुले फिरौती माग गर्दै आएको थियो । (एजेन्सी)
बैशाख १४ गते, २०७३ मा प्रकाशित
