विश्वले सन् १९४५ यता कै सबैभन्दा ठूलो मानवीय संकट सामना गरिरहेको तथ्य सार्वजनिक भएको छ ।
संयुक्त राष्ट्र संघका मानवीय सहायता प्रमुख स्टेफेन ओब्रिनले मानवीय संकटको भयावह विनाश रोक्न अपील गरेका छन् ।
उनले राष्ट्रसंघको सुरक्षा परिषद्मा यमन, सोमालिया, दक्षिण सुडान र नाइजेरियाका दुई करोडभन्दा बढी मानिस अकाल र भोकमरीको मारमा परेको जानकारी दिए ।
यो विपत्तिबाट पार पाउन आगामी जुलाईसम्म ४४ करोड डलर आवश्यक पर्ने उनको भनाइ छ । युनिसेफले खाद्य संकटकै कारण यस वर्ष १२ लाख बालबालिकाको मृत्यु हने चेतावनी दिइसकेको छ ।
केही समयअघि सोमालियामा भोकमरीको घोषणा गरिएको थियो । छ वर्षअघि मात्र त्यहाँ भोकमरीका कारण करिब २ लाख ६० हजार मानिसको मृत्यु भएको थियो ।
लामो समयदेखिको युद्धका कारण मध्यपूर्व र अफ्रिकाका विभिन्न मुलुकले चरम खाद्य संकट व्यहोरिरहेका छन् ।(एजेन्सी)
फाल्गुन २८ गते, २०७३ मा प्रकाशित
