सुर्य भुसाल
पटौटी, अर्घाखाँची ( अर्घाखाँचीडट्कम) । अर्घाखाँची जिल्लाको पाणीनी गाउँपालिका – ४ पटौटी कुडापानीमा बुटबल तर्फ जाँदै गरेको यात्रु बाहक जीप दुर्घटना हुँदा एक जनाको मृत्यु भएको छ । भने २ जना घाइते भएका छन् ।
पाणीनी गाउँपालिका – ५ मैदान अमजाबाट पाल्पा तानसेन हुँदै बुटबल तर्फ जाँदै गरेको लु१ ज १७९५ को जीप दुर्घटनामा मृत्यु हुनेमा गाड़ी चालक पाल्पा छहरा धजाबान्नेका तारा वहादुर खत्री रहेका छन् । उनको मिशन अस्पताल तर्फ लाने क्रममा बाटो मै मृत्यु भएको हो ।
यस्तै घाइते हुनेहरुमा सबारी धनी लेख बहादुर राजकोटी, पाणिनी वार्ड नं. का वडा सदस्य टीका राजकोटी रहेका छन् । उनीहरुको अवस्था सामान्य छ ।
जीप मैदानको कुडापानी भन्ने ठाउँमा दुर्घटना भएको थियो । जीप १ सय मिटर तल खसेको बताइएको छ ।
जीप दुर्घटनाको कारण खुल्न नसकेको प्रहरीले बताएको छ ।
श्रावण ५ गते, २०७४ मा प्रकाशित
