अर्घाखाँचीडट्कम संवाददाता
बुटवल । अर्घाखाँची जुकेना सम्पर्क समाज रुपन्देहीले अायोजनामा नयाँ वर्ष २०७५ को शुभकामना अादान प्रदान, नयाँ वर्ष २०७५ को क्यालेन्डर विमोचन कार्यक्रम सम्पन्न भएको छ ।
प्रमुख अतिथि संथापक अध्यक्ष विष्णुप्रसाद पौडेल र बुटवल उम महानगर पालिकाका प्रमुख प्रशाशकिय अधिकृत राजन कुमार बि. सीको बिशिस्ट अतिथिमा तिलोत्तमा न.पा बनबाटिकामा सम्पन्न कार्यक्रममा गत चैत्र २ गते सम्पन्न भएको रक्तदान कार्यक्रमका ५० जना रक्तदान गर्ने दातालाई सम्मान एवम् प्रमाणपत्र बितरण गरिएको थियो । कार्यक्रमको सभापति सम्पर्क समाजका अध्यक्ष नुमेन्द्र पौडेलले गरेका थिए । कार्यक्रममा जिल्ला अभिभावक सङ्घ रुपन्देहीका उपाध्यक्ष झबिन्द्र पौडेल, जिल्ला बन कार्यालय पाल्पाका सहायक अधिकृत चन्द ब भाट लगायतका अतिथिहरुको उपस्थिती रहेको थियो ।
साथै सो अवसरमा बृदबृदालाई सम्मान समेत गरिएको थियो । यसका साथै बनभोज सहित आयोजना गरिएको कार्यक्रममा रुपन्देहीमा बसोबास गर्दै आएका लगभग २०० बढी जुकेनाबासीको उपस्थिती रहेको थियो ।
चैत्र २४ गते, २०७४ मा प्रकाशित
