अर्घाखाँचीडट्कम संवाददाता
बुटवल । भैरहवामा भएको सडक दुर्घटनामा परी शितागंगा नगरपालिकाको सुबर्णखाल घरका रबिन्द्र सिंजापती मृत्यु भएको छ ।
यस्तै दुर्घटनामा सन्धिखर्क नगरपालिका वार्ड नम्बर ६ नरपानी पोखेडाँडाका केशब सिंह दर्लामिका छोरा भुवन सिंह दर्लामी घाइते भएका छन् ।
बुटवल – भैरहवा सडकमा लु ४१ प २१०५ को मोटरसाइकललाई बिपरित दिशाबाट आएको टयांकरले ठक्कर दिंदा सिंजापतिको निधन भएको प्रहरीले जनाएको छ। सिंजापति र दर्लामी मोटरसाइकलमा सवार थिए ।
सुबर्णखाल घरका सिंजापति हाल बुटवलमा बस्दै आएका थिए । गम्भीर घाइते दर्लामिको भैरहवा मेडिकल कलेजमा उपचार भैरहेको छ ।
टयांकर र टयांकर चालकलाई नियत्रणमा लिइएको प्रहरीले बताएको छ ।
कार्तिक १९ गते, २०७५ मा प्रकाशित
