पाँचौं पटक बिहे

गुल्मी २४ फागुन- जिल्लाको बडागाउँ गाविस -८ मैदान बाटामुनी जेठाका नामले चिनिनॆ तेज बहादुर विश्वकर्माले पाँचौ पटक श्रीमती ल्याएका छन् ।

ईस्मा दोहोलीमा घर बनाउन गएका सिकर्मी तेज बहादुरले तीन छोराछोरी सहितकी एक विधवालाई बिहे गरेका हुन् । उनी जुन ठाउँमा सिकर्मी काम गर्न जान्छन् उक्त ठाउँबाट एक श्रीमती ल्याउने उनको बानी बसिसकेको स्थानीयवासीहरुको भनाइ रहेको छ ।

हाल घरमा जेठी श्रीमती सरिताका अठार वर्षका एक छोरा र दुई छोरी रहेका छन् । आर्थिक अवस्था एकदमै कमजोर रहेको तेजबहादुरको बास बस्ने घरको समेत अभाव रहेको छ ।

  घरमा सौता ल्याएपछि जेठी श्रीमती सरिताले स्थानीय व्याक्ति तथा  समाजसेवीहरुलाई भेला गराएकी छन् तर पाँचौ श्रीमती ल्याउने तेज बहादुरले आफु मर्दको छोरा भएकाले अझै दुईचार बिहे गर्ने बताउनुका साथै गाउँलेहरु र जेठी श्रीमतीसँंग आक्रोस समेत व्यक्त गरेका छन् ।

 घरको आर्थिक अवस्था कमजोर भएको कारण श्रीमती र छोरा छोरीहरुको भविष्य बिचल्लीमा पर्ने स्थानीयवासीहरुको भनाइ रहेको छ ।