अर्घाखाँचीडट्कम संवाददाता
ठाडा, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका – ४ ठाडाले चाक्ला देखि सिउडेनी गाँउसम्मका बिपन्न दलित परिवारलाई हिल ट्याङक बितरण गरेको छ । खानेपानीको समस्या भएका गाउँका दलित परिवारहरुलाई बितरण गरिएको वडा अध्यक्ष दामोदर अधिकारीले जानकारी दिनु भयो ।
आज शितगंगा नगर प्रमुख सुर्य प्रसाद अधिकारी , जिल्ला समन्वय समिति सदस्य बलेन्द्र बिश्वकर्मा लगायतको उपस्थितमा ५८ दलित घर परिवार लाइ ट्याङकि बितरण गरिएको हो । शितगंगा नगरपालिका ४ ले बिभिन्न क्षेत्रका स्थानियहरु लाई सहयोग गर्ने क्रममा उक्त क्षेत्रका समुदायमा पानीको अभाव रहने गरेको र पानी संकलन गर्न समस्या भएकोले पानी ट्याङकि बितरण गरेको जिल्ला समन्वय समिति सदस्य बलेन्द्र बिश्वकर्माले जानकारी दिनु भयो ।
उत्त क्षेत्रका समुदायले लिफ्टिङको पानी खाने गरेको र थोरै समय पानी आउने गर्दा पानीको अभाव हुने गरेकोल अभ सहज हुने अपेक्षा रहेको वडा अध्यक्ष अधिकारीले जानकारी दिनु भयो । यस्तै नगरप्रमुख सुर्य प्रसाद अधिकारीले बितरण पछि सहि सदुपयोग गर्न अनुरोध गर्नु भयो । पानीको कारण बिभिन्न समस्या आउन सक्ने भएकोले शुद्ध पानी प्रयोग गर्न समेत अनुरोध गर्नु भयो ।
आषाढ़ १७ गते, २०७७ मा प्रकाशित
