भक्तिराम घिमिरे
ठाडा, अर्घाखाँची (अर्घाखाँचीडट्कम) । अबिरल बर्षाको कारण अर्घाखाँची जिल्लाको शितगंगा नगरपालिका वार्ड नम्बर १२ ठाडाको कोठिया मैदानका पहिरो पीडितलाई आर्थिक सहयोग रकम हस्तान्तरण कार्यक्रम सम्पन्न भएको छ ।
अबिरल बर्षाको कारण शितगंगा नगरपालिका वार्ड नम्बर ११ सिद्धाराको ढुङ्गेसेरा र १२ ठाडा कोठिया मैदानमा जमिन भासिनुको साथै पहिरोले ५० भन्दा बढी घरपरिवार विस्थापित भएका छ्न । पहिरोबाट मानविय कुनै क्षति भएको छैन भने करोडौंको धन सम्पतिको नोक्सान भएको छ ।
यतिबेला पीडित परिवारका लागि नगद तथा जिन्सी सहयोग आउने क्रम जारी छ । त्यस्तै क्रममा शितगंगाबाट काठमाडौं बस्दै आउनुभएका सामाजिक अभियान्ता सालिक राम अधिकारी, शिवदेव पान्डे र सचिन पाण्डेले राहत स्वरुप नगद तथा जिन्सी सहित १ लाख १ हजार ३ सय ६५ रुपैंया सङकलन गरेकोमा जोख्लेगैरा मैदानाका पिडितका लागि ६५ हजार ५ सय रुपैया सहयोग रकम हस्तान्तरण गर्नु भएको छ । वडा नं. ११ को ढुङ्गेसेरामा भोलि हस्तान्तरण गर्ने कार्यक्रम रहेको सामाजिक अभियान्ता सालिकराम अधिकारीले बताउनुभयो ।
कार्यक्रममा नगर प्रमुख सुर्य प्रसाद अधिकारी, उप प्रमुख टीका रेश्मी, वडा अध्यक्ष बाबुराम गैरे लगाएतको उपस्थितिमा उक्त रकम हस्तान्तरण गर्नुभएको हो ।
यस अघी पनि अधिकारी र पाण्डेले धेरै ठाउँमा पिडितलाई सहयोग गर्दै आउनुभएको छ । यस कार्यमा सहयोग गर्न अधिकारी र पान्डे ले सबैमा आग्रह समेत गर्नुभएको छ ।
आश्विन १७ गते, २०७७ मा प्रकाशित
