अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्ला अस्पतालमा कार्यरत १९ जना चिकित्सक तथा स्वास्थ्यकर्मीमा कोरोना पोजिटिभ देखिएपछि बन्द भएको अर्घाखाँची अस्पताल भोली सोमबारबाट खुल्ने भएको छ ।
अर्घाखाँची अस्पतालका प्रमुख डाक्टर कपिल गौतम सहित ६२ जनाको पिसिआर रिपोर्ट नेगेटिभ आएपछि अस्पतालका सम्पूर्ण सेवा सोमबारबाट खुल्ने भएका हुन् । जसमा डा. गाैतम सहित अस्पतालका स्वास्थ्यकर्मी र स्वास्थ्य कार्यालयकामा कार्यरत ४८ जना रहेका छन् ।
गत असोज २३ गते ६३ जनाको स्वाव बुटवल पठाइएको थियो ।
गत असोज २३ गते शुक्रबारदेखि नै सेवाग्रहाहीहरुको संक्रमणको उच्च जोखिमलाई मध्यनजर गदै अस्पतालका इमरर्जेन्सी सेवा बाहेक सम्पुर्ण सेवा बन्द भएका थिए ।
आश्विन २५ गते, २०७७ मा प्रकाशित
