जनक के.सी
सितापुर, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर २ सितापुरमा १७ औ स्वयंसेवक दिवसको अवसरमा सितापुर स्वास्थ चौकीमा १८ जना स्वयंसेविकालाई झोला र छाता बितरण गरिएको छ।
सितापुरमा वार्डको आव.७६/७७ बिनियोजित बजेटबाट १७ औ स्वयंसेवक दिवसको अवसरमा सितापुर स्वास्थ चौकीमा १८ जना स्वयंसेविकालाई झोला र छाता बितरण गरिएको हो ।
कार्यक्रमका प्रमुख अतिथी वाडअध्यक्ष गोबर्धन थापाले स्वयंसेविकालाई हातले झोला र छाता बितरण गर्नुभएको थियो ।
कार्यक्रममा सितापुर स्वास्थ चौकी प्रमुख बिष्नु खनाल, वार्ड २ का सचिब ऋषि राम भुषाल, स्वास्थ चौकीका स्टाप माया क्षेत्री, रिता खनाल, मधु थापा, लगायत स्वयंसेविकाको उपस्थिति रहेको थियो।
कार्यक्रममा बोल्दै स्वयम् सेविकाको तर्फबाट माया क्षेत्रीले हामीलाई भत्तामा केही भएपनी वृद्धि गर्न अनुरोध गरेकी थिईन् । साथै स्वास्थ प्रमुख खनालले यो बर्षमा उत्कृष्ट सेवा प्रधान गरेको भन्दै १८ जना स्वयंसेविका मध्ये हुमा सुनाखरीलाई नगद उपहार सहित सम्मान गरेका थिए।
कार्यक्रमका प्रमुख अतिथी थापाले आउने बजेटमा स्वयंसेविकालाई स्टिल दराज दिने बाचा समेत गरेका थिए ।
मंसिर २० गते, २०७७ मा प्रकाशित
