अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका र पाणिनी गाउँपालिका कोरोना मुक्त भएका छन् । यि २ पालिकामा संक्रमितको संख्या शुन्य रहेको छ ।
शितगंगा नगरपालिकामा संक्रमित संख्या १०३ रहेको र १०१ जनाले कोरोना जितेका छन् । २ जनाको मृत्यु भएको छ । यस्तै पाणिनी गाउँपालिकामा संक्रमित संख्या २१ रहेको र १९ जनाले कोरोना जितेका छन् । २ जनाको मृत्यु भएको छ ।
उता जिल्लाबाट आजसम्म ६२२ जनाले कोरोना जितेर घर फर्केका छन् । जसमा सन्धिखर्क नगरपालिकामा २७४ जना, शितगंगा नगरपालिकामा १०१, भूमिकास्थान नगरपालिकामा १२५, मालारानीमा ७५, पाणिनी गाउँपालिकामा १९ र छत्रदेव गाउँपालिकामा २८ जनाले कोरोनालाई जितेका हुन् ।
यस्तै जिल्लामा आजसम्म संक्रमितको संख्या ६८२ जना पुगेको छ । जसमा सन्धिखर्क नगरपालिकामा ३२२ जना, शितगंगा नगरपालिकामा १०३, भूमिकास्थान नगरपालिकामा १२८, मालारानीमा ७८, पाणिनी गाउँपालिकामा २१ र छत्रदेव गाउँपालिकामा ३० जना संक्रमित रहेका छन् ।
जिल्लामा योसँगै कोरोनाका कारण ११ जनाको निधन भएको छ ।
सोमबारसम्म जिल्लाका बिभिन्न स्थानका आईसोलेशनमा ४९ जना सक्रिय संक्रमितहरु उपचाररत रहेको जिल्ला प्रशासन कार्यालय अर्घाखाँचीले जनाएको छ ।
मंसिर २२ गते, २०७७ मा प्रकाशित
