केशब राज ज्ञवाली
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सदरमुकाम सन्धिखर्कमा नेपाल प्रेस युनियन अर्घाखाँची शाखाले नव निर्वाचित पत्रकार महासंघका पदाधिकारी तथा सदस्यहरुलाइ फुलको माला तथा प्रसंशापत्रले स्वागत तथा सम्मान गरेको छ ।
युनियन अर्घाखाँचीले आज सन्धिखर्क स्थित बि. पि. स्मृति भवनमा भब्य कार्यक्रम आयोजना गरि बिजयी प्रतिनिधिहरुलाइ फुलको माला तथा प्रशंशापत्रले स्वागत तथा सम्मान गरेको हो ।नवनिर्वाचित महासंघ सदस्य हरुलाई नेपाली काङ्ग्रेस केन्द्रिय सदस्य कमला पन्त , नेपाली काङ्ग्रेस जिल्ला सभापति विष्णु मुस्कान,प्रेस युनियनका पुर्व सभापति हरि खडका ,पत्रकार महासंघका केन्द्रीय परिषद सदस्य विष्णु भुसाल लगायतले वधाई तथा शुभकामना व्यक्त गरेका थिए ।
स्वागत तथा सम्मान कार्यक्रममा अथितिको रुपमा बोल्दै नेपाली काङ्ग्रेसका जिल्ला सभापती बिष्णु प्रसाद खनाल मुस्कानले पत्रकारिता दिनदुखिको आवाज बुलन्द गर्ने खालको हुनुपर्नेमा जोड दिए । उनले नव निर्वाचित कार्यसमितीले पत्रकारिता पेशालाइ थप सृजनशिल र प्रभावकारी बनाउन सकोस भन्ने शुभकामना दिए ।
यस्तै बरिस्ठ पत्रकार तथा नव निर्वाचित केन्द्रिय परिषद सदस्य बिश्नु भुसालले सत्य आवाज उठाउदै कलम चलाउने र श्रमजिवी पत्रकारको हकमा कार्य गर्ने बताए । नव निर्वाचित अध्यक्ष अशोक खनाल अर्घाखाँचीको पत्रकारिताको बिकासमा कुनै कुनै कसर नराखी अगाडि बढ्ने प्रतिबद्धता जनाए ।
सम्मान कार्यक्रमको प्रमुख अथितिमा नेपाली काङ्ग्रेस केन्द्रिय सदस्य कमला पन्त , बिशिस्ट अथिहरुमा काङ्ग्रेस नेतृ रत्ना शेरचन, काङ्ग्रेस जिल्ला सभापती बिश्नु मुस्कान , सन्धिखर्क नगरपालिकाका मेयर कमल प्रसाद भुसाल लगायतको उपस्थिती थियो ।
कार्यक्रमको सभापतित्व प्रेस युनियन अर्घाखाँचीका सभापती वीरेन्द्र केसीले गरेका थिए भने सन्चालन बिक्रम पान्डे समानताले गरेका थिए ।
चैत्र ३१ गते, २०७७ मा प्रकाशित
