माधव खनाल
ढाकावाङ, अर्घाखाँची (अर्घाखाँचीडट्कम) । अर्घाखाँची जिल्लाको भुमिकास्थान नगरपालिका वार्ड नम्बर १ ढाकावाङको लामिडाँडा निवासी गुनाखर भुसाल, नारायण प्रसाद भुसाल, भुवान्द भुसालको घर गोठमा आगलागी हुँदा लाखौंको क्षति भएको छ ।
शनिबार साँझ विद्युत सट भई आगलागी हुदा नारायण प्रसाद भुसाल र भुवानन्द भुसालको घर जलि घर पुर्ण रूपमा नष्ट भएको हो । साथै घरमा भएको अन्न पात लत्ताकपडा नगद सवै जलेर नष्ट भएको छ ।
नारायण प्रसाद भुसालकै गोठ जलि गोठमा रहेका भैंसी , पाडो र बाख्रा पनि जलेर नस्ट भएका छन साथै नारायणका दाजु गुनाखर भुसाल र भुवानन्द भुसालको गोठ बाख्राका खोर पनि जलेर पुर्ण रूपमा नष्ट भएका छन् ।
बैशाख १२ गते, २०७८ मा प्रकाशित
