अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्ला सन्धिखर्क नगरपालिका वार्ड नम्बर – १२ डिभर्नामा एक किशोर झुण्डिएको अवस्थामा मृत फेला परेका छन् ।
डिभर्नाका १४ बर्षिय सरोज मुखिया घर नजिकको जंगलको रुखमा झुण्डिएको अवस्थामा सोमबार मृत फेला परेका हुन् ।
प्रहरीले सम्पूर्ण मुचुल्का उठाएको र आत्महत्या हुन सक्ने अनुमान गरेको छ ।
पोष्टमाटमको लागि शवलाई जिल्ला अस्पताल अर्घाखाँचीमा लगिएको थियो । घटनाको थप अनुसन्धान भईरहेको प्रहरीले बताएको छ ।
ढिकुरामा एक युवा घरमा झुण्डिएको अवस्थामा मृत फेला
यस्तै भूमिकास्थान नगरपालिका वार्ड नम्बर – ९ ढिकुरामा एक युवा घरमा झुण्डिएको अवस्थामा मृत फेला परेका छन् ।
ढिकुरामा ४३ बर्षीय नरबहादुर थापा आफ्नै घरमा झुण्डिएको अवस्थामा सोमबार फेला परेका हुन् ।
प्रहरीले सम्पूर्ण मुचुल्का उठाएको र आत्महत्या हुन सक्ने अनुमान गरेको छ । घटनाको थप अनुसन्धान भईरहेको प्रहरीले बताएको छ ।
अर्घाखाँचीमा पछिल्लो समय आत्महत्याका घटना बढेको देखिन्छ ।
जेष्ठ १८ गते, २०७८ मा प्रकाशित
