जापान सरकारले अनुदानमा दिन लागेको अष्ट्राजेनेकाको ८ लाख डोज खोप काठमाडौं आइपुग्ने भएको छ।
काठमाडौंस्थित जापानी राजदूतावासले विज्ञप्ति जारी गर्दै शनिबार र आइतबार गरी आठ लाख डोज खोप आउने जानकारी दिएको हो।
जापानबाट बिहीबार र शुक्रबार गरी दुई वटा विमान काठमाडौंका लागि उड्नेछन्। ती खोप क्रमश: शनिबार र आइतबार काठमाडौं आइपुग्ने विज्ञप्तिमा उल्लेख छ।
जापान सरकारले नेपाललाई १६ लाख डोज अष्ट्राजेनेकाको खोप दिन लागेको हो। बाँकी आठ लाखपछि आइपुग्ने राजदूतावासले जनाएको छ।
राजदूत किकुता युताकाले अनुदानमा दिइएको खोपको सही उपयोग हुनेमा आशावादी भएको बताएका छन्। जापानले कोरोना भाइरसको महामारीसँग जुध्न नेपाल सरकार सँगै काम गरिरहेको जनाएको छ। सेतोपाटीमा समाचार छ ।
श्रावण २० गते, २०७८ मा प्रकाशित
