केशव घिमिरे | सिद्धार्थ सागर के.सी.
फुदवाङ, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वडा नम्बर ७ खाँचीकोटको फुदवाङमा नेकपा (एमाले) को पार्टी वडा कमिटीको कार्यालय उद्घाटन तथा पार्टी टोल कमिटी गठन कार्यक्रम सम्पन्न भएको छ।
खाँचीकोटमा आज सोमवार नेकपा (एमाले) को पार्टी वडा कमिटीको कार्यालय उद्घाटन तथा पार्टी टोल कमिटी गठन कार्यक्रम सम्पन्न भएको छ।
कार्यक्रममा प्रमुख अतिथिती पार्टी केन्द्रीय कमिटी सदस्य तथा अर्घाखाँची जिल्ला इन्चार्ज चन्द्र बहादुर खड्काले रिवन काटेर पार्टी कार्यालयको उदघाटन गर्नुभएको थियो ।
कार्यक्रममा पार्टी जिल्ला कमिटी अध्यक्ष पिताम्बर भुसाल, उप सचिव भिम केसी, जिला कमिटी सदस्य तथा सन्धिखर्क नगर कमिटी अध्यक्ष श्रीकृष्ण भुसाल, जिल्ला कमिटी सदस्य ध्रुव केसी, कृष्ण श्रेष्ठ तथा उपस्थित नगर कमिटी र वडा कमिटीका पदाधिकारी तथा सदस्य कमरेडहरुले नवप्रवेसीहरुलाई स्वागत गर्नुभएको थियो भने कार्यक्रमलाई प्रमुख अतिथि चन्द्र बहादुर खड्का र अतिथिहरु रामजी प्रसाद घिमिरे र पिताम्बर भुसालले सम्बोधन गर्नुभएको थियो ।
कार्यक्रममा पुष्पा नेपाली, बिकाश केसी, सागर पौडेल , सुनिल केसी र गोबिन्द मगरको नेतृत्वमा राष्ट्रिय जनमोर्चा, नेपाली काङ्ग्रेस र माओवादी केन्द्रबाट २४ घर परिवार नेकपा (एमाले) मा प्रवेश गर्नुभएको छ । नव प्रवेशीहरूलाई खड्काले टीका लगाएर स्वागत गर्नुभएको थियो भने पार्टी प्रदेश कमिटी सचिवालय सदस्य रामजी प्रसाद घिमिरेले खादा लगाएर स्वागत गर्नुभएको थियो ।
उक्त कार्यक्रममा भिम बहादुर बस्नेत अध्यक्ष, रमा पोख्रेल उपाध्यक्ष,सन्त बहादुर सेजवाल सचिव , अशोक थापा र अमृत नेपाली उपसचिव रहेको २५ सदस्यीय फुदवाङ्ग टोल कमिटीका साथै पुष्पा नेपालीको अध्यक्षतामा पार्टी सेल कमिटीको गठन भएको छ ।
कार्यक्रम पार्टी वडा कमिटी अध्यक्ष चुरा बहादुर केसीको अध्यक्षता र पार्टी नगर कमिटी सचिवालय सदस्य लक्ष्मण कंण्डेलको संचालनमा सम्पन्न भएको थियो ।
फाल्गुन ९ गते, २०७८ मा प्रकाशित
