अर्घाखाँचीडट्कम संवाददाता
तम्घास (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वडा नम्बर -९ अर्घाका मन बहादुर गन्धर्वको गुल्मीको तम्घासमा शव फेला परेको छ ।
अर्घाका ६० वर्षीय मन बहादुर गन्धर्वको गुल्मीको रेसुङ्गा नगरपालिका ९ अर्घाखाँची जिपपार्कमा शव फेला परेको हो ।
अर्घाखाँचीबाट उनका आफन्त आएपछि शव आफन्तलाई बुझाउने जिल्ला प्रहरी कार्यालय गुल्मीले जनाएको छ । अहिले शवलाई गुल्मी अस्पताल राखिएको जिल्ला प्रहरी कार्यालय गुल्मीका प्रहरी नायव उपरीक्षक माधव खरेलले बताए ।
आज बिहान सात बजे शव फेला परेको हो । शवको बाहिरी प्रकृति हेर्दा कुनै चोटपटक नदेखिएको प्रहरीले उल्लेख गरेको छ । घटनाबारे थप अनुसन्धान जारी रहेको जिल्ला प्रहरी कार्यालय गुल्मीले जनाएको छ ।
फाल्गुन ९ गते, २०७८ मा प्रकाशित
