सिद्धार्थ सागर के.सी.
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालीका वार्ड नम्बर २ कुर धारिचौरमा नेकपा (एमाले) को टोल भेला सम्पन्न भएको छ । उक्त भेलाले जीवनारायण भुसालको अध्यक्षतामा २५ सदस्यीय टोल कमिटीको गठन गरेको छ ।
भेला वडा कमिटी सचिवालय सदस्य पिताम्बर भुसालको अध्यक्षता र नगर कमिटी अध्यक्ष श्रीकृष्ण भुसालको प्रमुख आतिथ्यमा सम्पन्न भएको हो ।
उक्त भेलामा पार्टी जिल्ला कमिटी सदस्य तथा वडा सह-सहजकर्ता द्वय शुष्मा श्रेष्ठ र योगेन्द्र बहादुर खड्का, पार्टी नगर कमिटी सचिवालय सदस्य लेखनाथ भुसाल, वडा कमिटी अध्यक्ष तथा नगर कमिटी सचिवालय सदस्य कमरेड नारायण खड्का, नगर कमिटी सदस्य कमरेड लाल बहादुर जि. सी., वडा कमिटी सदस्यहरु अम्बर बहादुर जि. सी., राम प्रसाद ढुङ्गाना र राम बहादुर नेपाली लगायतको उपस्थिति रहेको थियो ।
उक्त भेलाको संचालन पार्टी वडा कमिटी सचिव पदम भुसालले गर्नुभएको थियो । भेलामा वडा कमिटीका सचिवालय सदस्य अशोक जि. सी. ले स्वागत मन्तब्य ब्यक्त गर्नुभएको थियो भने उक्त भेलालाई अतिथीहरु लेखनाथ भुसाल, योगेन्द्र खड्का, शुष्मा श्रेष्ठ र प्रमुख अतिथी श्रीकृष्ण भुसालले सम्बोधन गर्नुभएको थियो ।
फाल्गुन २१ गते, २०७८ मा प्रकाशित
